اسلام آباد: بھارتی جارحیت کے خلاف پاکستانی سکھ برادری نے وزیراعظم نریندر مودی کو سخت پیغام دیتے ہوئے کہا ہے کہ وہ پاکستان کی مسلح افواج کے ساتھ کھڑے ہیں اور وقت آنے پر دشمن کو منہ توڑ جواب دیں گے۔
ایکسپریس نیوز کی رپورٹ کے مطابق، ایک پاکستانی سکھ شہری نے مودی سرکار کو مخاطب کرتے ہوئے کہا: “ہماری عوام مسلح افواج کے شانہ بشانہ کھڑی ہے، وقت آنے پر ہم اپنی افواج کے ساتھ مل کر بھارتی جارحیت کا منہ توڑ جواب دیں گے۔”
سکھ شہری نے گانا گا کر پاکستان سے اپنی والہانہ محبت کا اظہار بھی کیا اور کہا کہ گُرو نانک کی پاک دھرتی سے ہمیں بہت پیار ہے۔
یہ بیان ایک ایسے وقت میں سامنے آیا ہے جب پاک بھارت کشیدگی میں اضافہ ہو رہا ہے، اور پاکستانی سکھ برادری نے قومی یکجہتی کا مظاہرہ کرتے ہوئے واضح کیا ہے کہ وہ ملک کے دفاع میں کسی بھی قربانی سے دریغ نہیں کریں گے۔
پاکستانی سکھوں کا یہ پیغام نہ صرف بھارتی حکومت کے لیے ایک واضح انتباہ ہے بلکہ بین الاقوامی برادری کے لیے بھی ایک یاد دہانی ہے کہ پاکستان کی اقلیتیں بھی ملک کی خودمختاری اور سلامتی کے لیے متحد ہیں۔
Leave feedback about this